<?xml version="1.0" encoding="UTF-8"?><song><aka>Chihowa Chitokaka 'k osh</aka>
<author>Loring S. Williams</author>
<hymn_number>1</hymn_number>
<title>Universal praise to Jehovah, in imitation of the 148th Psalm ƲIT1</title>
<lyrics>[V1]
 Chihowa Chitokaka 'k osh,
 Ik yʋmohmi, aiahni ho̱,
.    
     Nan u̱ha toba tok:
 Nan u̱ha ikbi pulla ho̱,
 Chu̱kush isht a mominchi hosh,
 Isht i̱ yimmit holitoblit,
.    
     Oh aiokpahanchi.

[V2]
 Ʋba hatak puta moma
 Chihowa i̱ bili̱ka ka
.    
     Ai ahashwa hokʋt
 Chitoli hosh taloho̱wʋt,
 I̱ Mi̱ko Chihowa hoka
 Aiokpahanchi fehna hosh
.    
     Momʋt biliashke.

[V3]
 Yʋmohmikma hʋchi kia,
 hʋsh ninak a̱ya aiena,
.    
     Ʋba fochik puta,
 Hoshonti, hiloha, mahli
 Umba chito a puta kʋt
 Nana moma Ikbi yoka
.    
     Aiokpahanchashke.

[V4]
 Oklushi puta moma ma!
 Chin Chilhowa ʋba yokʋt
.    
     Et chi ahninchit
 sʋthaiyanʋt, si ahninchit
 Ai a̱hli bieka hocha,
 Momʋt ʋm antiakbano,
.    
     Chim aiahni hoke

[V5]
 Apehlichika moyuma,
 Mi̱ko puta aiena kʋt,
.    
     Chihowa pulla ka,
 Pi̱ M̱iko yoke, aiahnit,
 Chu̱kush isht ai ahli fehnʋt,
 Pit in tahlohowa pullʋt,
.    
     Aiokpahanchashke.

[V6]
 Mikma ʋba anumpulia,
 Kanima ai ahanta kʋt,
.    
     Iʋ Mi̱ko Chisʋs a̱,
 Pit aiokpahanchi fehnʋt,
 Yukpʋt taloho̱wa hockʋt,
 Moma I shalinchi mak osh,
.    
     Pit in taloashke.</lyrics>
<time_sig>8.8.6.8.8.6.</time_sig>
</song>